“Turneu Universitar Tirana 2023” startoi edicionin e tretë të saj e organizuar nga Federata Shqiptare e Sportit Universitar me mbështetjen e Bashkisë Tiranë.Ceremonia e hapjes së këtij Turneu Universitar tregoi dëshirën e madhe të studenteve për forcimin e rolit të sportit në universitete.
Ne fjalën përshëndetëse, Presidenti i Federatës Shqiptare të Sportit Universitar Z. Besnik Veliu, falenderoi dhe vlerësoi për bashkëpunimin të gjithë universitetet pjesëmarrëse në këtë aktivitet, si dhe motivoi studentët drejt fokusit për potencial sportiv studentor në drejtim të progresit ne fushen e sporteve universitare.
Në këtë Turne marin pjese 19 Universitete publike dhe private, 600 studentë atlet dhe një numër i konsiderueshëm studentë mbështetës.
Ceremoninë e hapjes e nderuan me pjesëmarjen e tyre, Zv.Ministri i Arsimit dhe Sportit Z. Endri Hoxha i cili vlerësoi inisiativën e marrë për mundësinë e dhënë institucioneve të arsimit të lartë për promovimin e vlerave sportive dhe inkurajimin e praktikave sportive në harmoni me frymën universitare.
Nënkryetari Bashkisë Tiranë Z. Andi Seferi në fjalën e tije nder te tjera, vlerësoi punën e Presidentit të FSHSU Z.Besnik Veliu, qe ka ngritur frymën e bashkëpunimit mes anëtarësisë se FSHSU , për një vizion të përbashkët dhe ka sjellë tek studentët një dimension të ri drejt zhvillimit të sportit universitar.
Në vazhdim te fjalës së tij Zv.Rektori i Universitetit të Tiranës Z. Bernard Dosti shprehu vlerësimin ndaj FSHSU dhe garantoi vazhdimesine e mbeshtetjes se UT-se, për organizime të tjera sportive universitare.
Kjo festë e bukur sportive u përmbyll me një falënderim të vecantë për të gjithë ata që e mundësuan këtë inisiativë të marrë nga Bashkia Tiranë duke i lënë vazhdimësinë aktitvitetit sipas kalendarit sportiv të përcaktuar.
