Një tjetër muaj, një tjetër kampionat i sukseshëm i organizuar nga FSHSU!
Ishte radha e notarëve nga 16 universitete të garonin fort dhe të kishin të drejtën të krenoheshin me përgatitjen, talentin e të luftonin për ngjyrat e universiteteve që përfaqësonin.
Në datat 18-19 Maj, Nobis Wellness Center oshëtinte nga zërat e mbështetësve që i jepnin krahë notarëve. Pas 12 baterish të forta, Kampion për Meshkuj, stil i lirë u shpall Kristo Petko nga Universiteti i Sporteve te Tiranes (UST) dhe Laert Huti nga Universiteti Epoka në vend të dytë.
Për femra gara ishte po ashtu tepër emocionuese ku fitoi studentja Marsia Drini nga Universiteti i Mjekesise, Tirane – UMT dhe vendi i dytë i shkon studentes së talentuar Sejda Qotaj nga Universiteti i Shkodrës “Luigj Gurakuqi”.
Nuk mund të mungonte fjala përshëndetëse e mikut tonë të mirë, Presidentit të Komiteti Olimpik Kombetar Shqiptar (KOKSH) Z. Fidel Ylli që shprehu kënaqësinë e veçantë të ishte i pranishëm edhe në këto gara të këtij sporti, ndërsa fjala hapëse u mbajt nga Presidenti i FSHSU, Z. Besnik Veliu, i cili nënvizoi lodhjen për të organizuar me buxhetet aktuale një kampionat të këtyre përmasave por dhe kënaqësinë finale kur shikon mundësitë që iu krijohen studentëve.
Falenderojmë dhe miqtë tanë të Frutomania Albania, të cilët furnizuan garuesit dhe të pranishmit me lëngun e frutave 100% natyral dhe biskotat e tyre dietike.
FSHSU falenderon stafet e 16 Universiteteve për punën e tyre, 62 notarët e notaret si dhe tifozat që na falën tepër kënaqësi.
Shihemi në Kampionatin e radhës !
