Në këtë vizitë morën pjesë personalitete të njohura nga organizatat ndërkombëtare të sportit universitar, përfshirë: Adam Roczek, President i EUSA, Jacek Sutryk, Kryetar i Bashkisë së qytetit të Wrocław, një nga qytetet pjesëmarrëse në këtë projekt të EUSA, Marian Dymalski, Zëvendës President i Federatës Ndërkombëtare të Sportit Universitar FISU, Marcin Przychodny, Drejtor i terreneve sportive dhe stadiumit të Wrocław.
Pjesëmarrja e këtyre figurave të rëndësishme ka përforcuar rëndësinë e këtij projekti dhe angazhimin për zhvillimin e sportit universitar si një komponent kyç për të lidhur komunitetin universitar me atë lokal.
Projekti “Qyteti, Universiteti, Sporti” synon të demonstrojë dhe të promovojë bashkëpunimin midis Pushtetit vendor dhe Universiteteve anëtare të EUSA në mbështetje të sportit universitar.
Scili nga anëtarët e EUSA do të përzgjidhet një qytet si shembull i këtij partneriteti, me qëllim krijimin e modeleve të suksesshme për ndërveprim dhe zhvillim të qëndrueshëm.
Gjatë vizitës studimore, përfaqësuesit e EUSA dhe Pushtetit vendor inspektuan hapësira sportive dhe akomodimet e planifikuara për Kampionatin Europian Universitar të Futbollit, i cili do të zhvillohet në Tiranë nga data 26 qershor deri më 5 korrik 2025.
Ndër aktivitetet e planifikuara ishte edhe një takim me Kryetarin e Bashkisë së Tiranës, Erion Veliaj, për të diskutuar mbi përgatitjet e kampionatit dhe rëndësinë e mbështetjes së pushtetit vendor në zhvillimin e sportit universitar.
Vizita e përfaqësuesve të EUSA në Tiranë dhe partneriteti me FSHSU, dëshmojnë angazhimin për zhvillimin e sportit universitar dhe për të krijuar një model bashkëpunimi midis universiteteve dhe komuniteteve lokale
