Ky event sportiv, u organizua nga Federata Shqiptare e Sportit Universitar (FSHSU) në bashkëpunim me Shoqatën Universitare Sportive “Fan Noli,” të cilat synojnë të promovojë Sportin Universitar dhe të krijojë mundësi për studentët që të tregojnë aftësitë e tyre sportive.
Turneu mblodhi ekipe nga institucione arsimore dhe universitete të njohura, duke përfshirë: Akademinë e Forcave të Armatosura, Universitetin e Prishtinës, Universitetin Nënë Tereza nga Shkupi, Universitetin “Aleksandër Xhuvani” nga Elbasani, Kolegjin Universitar të Biznesit dhe Universitetin “Fan Noli” nga Korça.
Këto universitete do të garojnë për vendin e parë në tre disiplina: volejboll për femra, basketboll për meshkuj dhe minifutboll për meshkuj.
Ceremonia hapëse e këtij turneu u zhvilluar në një atmosferë festive dhe me pjesëmarrjen e disa personaliteteve të njohura dhe të rëndësishëm në fushën e sportit dhe arsimit si; Gjenerali Bardhyl Nuredinaj dhe Presidenti i Federatës Kosovare të Sportit Universitar, Prof. Asoc. Musa Selimi.
“Turneu Mbarëkombëtar Universitar 2024 në Korçë, është një ngjarje që pasqyron rëndësinë e vazhdueshme të mbështetjes dhe zhvillimit të Sporteve Universitare në rajon. Ky turne jo vetëm që promovon sportin, por gjithashtu forcon lidhjet ndërkombëtare dhe nxit zhvillimin e një kulture sportive pozitive mes të rinjve të Ballkanit dhe më gjerë”- u shpreh në fjalimin e tij Presidenti i FSHSU-së, Besnik Veliu.
Federata Shqiptare e Sportit Universitar dhe Shoqata Universitare Sportive “Fan Noli” falënderuan të gjithë pjesëmarrësit dhe mbështetësit e këtij aktiviteti, duke konfirmuar synimin për të vazhduar organizimin e eventeve të tilla në të ardhmen.
