Pas disa javësh mes ndeshjeve të forta, Universitetet kryesore të vendit janë në garë për titullin triumfues, duke treguar aftësi të larta, emocion, bashkpunim në ekip, sfida akademike dhe gara menaxheriale.
Presidenti i Federatës Shqiptare të Sporteve Universitare, Besnik Veliu, ka theksuar rëndësinë e këtij kampionati, duke e cilësuar si një hap të madh në zhvillimin e Sporteve Universitare në Shqipëri. Ky kampionat inkurajon bashkëpunimin dhe garën e ndershme ndërmjet universiteteve, duke kontribuar në ndërtimin e një kulture sportive të shëndetshme dhe të qëndrueshme. Përmes këtyre garave, vullnetarët dhe stafi universitar kanë mundësinë të zhvillojnë aftësitë e tyre menaxheriale dhe akademike.
“Ky kampionat ka treguar një rritje të jashtëzakonshme si në nivelin e garave, ashtu edhe në organizim, ku universitetet po japin maksimumin e tyre, duke dëshmuar se sporti universitar ka një të ardhme të ndritur.”- shtoi më tej në fjalimin e tij, Veliu.
Githashtu, ai theksoi se finalja e 19 marsit pritet të jetë një ngjarje spektakolare, plot emocion dhe me një triumf.
Universitetet që janë renditur mes favoritëve për këtë sezon janë: Universiteti i Tiranës, Universiteti i Shkodrës, Universiteti i Elbasanit dhe Universiteti i Durrësit, të cilat kanë arritur rezultate të shkëlqyera gjatë zhvillimit të kampionatit.
Konkurrenca mes tyre ka qenë e ashpër, me përballje të forta dhe plot emocione që e kanë bërë këtë edicion një nga më të suksesshmit.
Me afrimin e finales, tensioni dhe pritshmëritë po rriten, rivaliteti mbetet i fortë me synime të larta për çdo Universitet. Përfaqësuesit e universiteteve kanë treguar një angazhim të jashtëzakonshëm dhe përkushtim të lartë për të arritur majat e suksesit.
Finalja e 19 marsit pritet të zhvillohet në një atmosferë bashkëpunimi, ku do të mbledhë student, vullnetar, pedagogë, staf akademik dhe tifozë nga të gjitha Universitetet pjesëmarrëse.
Me pritshmëri të larta për finalen e 19 marsit, të gjithë presin të shohin se cili universitet do të ngrihet në majën e podiumit dhe do të marrë trofeun e merituar.
