Federata Shqiptare e Sportit Universitar sëbashku me Bashkinë Tiranë startoi sot aktivitetin “Staff University Football League”.
Ceremonia e hapjes së këtij aktiviteti ishte një dëshmi e peisazhit dinamik të vlerave të sportit universitar duke e konsideruar tashmë të plotësuar me stafet e universiteteve të vëndit.
Fjalimin përshëndetës të kësaj ceremonie e mbajti Presidenti i FSHSU Z.Besnik Veliu ku shprehu mirënjohjen për mbështetjen e vazhdueshme të Bashkisë Tiranë për sportin universitar. 
Ndër të tjera Presidenti e konsideroi këtë event si një moment të plotësimit të sportit Universitar dhe nëpërmjet tij percillen mesazhe te nje jete aktive ne stafet universitare dhe ndërshkëmbimin e eksperiencave kulturore dhe sociale nëpërmjet sportit.Nënkryetari i Bashkisë Tiranë Z.Andi Seferi vlerësoi gjetjen interesante dhe dha lajmin e bukur që këtë aktivitet ta kthejmë në një traditë të përvitshme për përfshirjen e stafeve universitare nëpërmjet “Staff University Football League”.Zv.Ministri i Arsimit dhe Sportit Z.Endri Hoxha vlerësoi organizimin e “Staff University Football League” dhe siguroi mbështetjen e MAS për aktivitete të tjera sportive që FSHSU do të organizojë brenda dhe jashtë vendit. Zv.Rektori i UT Z.Bernard Dosti vlerësoi këtë aktivitet dhe rolin e UT në angazhimin e suportit te tyre në aktivitete sportive universitare.
Sëbashku në rritjen e fokusit për të forcuar rolin e sportit në universitet për një kualitet të lartë jetese!