Pas fitores të 23 Shkurtit të djemve të Ekonomikut në Futboll dhe finales spektakolare të vajzave më 6 Mars në Volejboll, ku sërisht Fakulteti Ekonomik u shpall kampion në Kampionatin Universitar të Universitetit të Tiranës, sot është koha që djemtë të tregojnë forcën dhe talentin e tyre në fushë e volejbollit.
Triumfi i vjazave të Fakultetit Ekonomik në volejboll erdhi pas një ndeshjeje të fortë kundër Fakultetit të Historisë dhe Filologjisë, ku ekipi kampion arriti një fitore 3-0 me një paraqitje dominuese. Ndërkohë, Fakulteti i Gjuhëve të Huaja zuri vendin e tretë pas një përballjeje të ngushtë, duke përfunduar kështu podiumin e këtij edicioni.
Sot, të gjithë sytë janë te volejbolli i meshkujve, ku 6 fakultetet e Universitetit të Tiranës do të garojnë për titullin kampion. Me ekipet të gatshme për betejë dhe tifozët të etur për spektakël, pritet një turne plot rivalitet dhe emocione deri në finalen e madhe.
Me pasion dhe rivalitet në çdo moment, vetëm një ekip do të ngrejë trofeun. Cilët do të jenë fituesit? Të gjithë sytë janë te fushat!
Via:
Ejstin Denolli
