Korça, qyteti i serenatave, i njohur për historinë, kulturën dhe mikpritjen e saj të ngrohtë, u bë destinacioni i rradhës për studentët kampionë të Fakultetit të Ekonomisë dhe grupit të Vullnetarëve të FSHSU-së.
Udhëhequr nga delegacioni i përfaqësuesve të Federatës Shqiptare të Sportit Universitar, kryesuar nga presidenti i Federatës Besnik Veliu, pedagoget Alma Osmani, Elizabeta Mançellari dhe Ervin Pepi.
Në një udhëtim që ndërthurte kulturën, sportin dhe harmoninë, atmosfera e miqësisë u krijua menjëherë gjatë nisjes drejt Korçës, e shtrirë mes kodrave piktoreske dhe natyrës madhështore që i shoqëroi çdo kilometër të rrugës.
Studentët, ndanë momente të veçanta mes tyre, duke shkëmbyer biseda të këndshme, histori gazmore, ndërsa tingujt e këngëve nga zhanre të ndryshme krijuan një ndjenjë të veçantë harmonie.
Në mbërritje, destinacioni i parë ishte Katedralja e Korçës, e pozicionuar në qendër të qytetit, një ndërtesë madhështore që përfaqësonte historinë dhe kulturën e këtij qyteti.
Më pas, udhëtimi vazhdoi drejt Pazarit të Vjetër, një vend që tërhiqte vëmendjen dhe përfaqësonte shpirtin tradicional të Korçës, me ruajtjen e traditave artizanale dhe jovetem. Rrugët e kalldrëmta, dyqanet e vogla dhe sheshet ishin të mbushura me gjallëri dhe ngrohtësinë e miktpritjes korçare.
Një moment i veçantë dhe i mbushur plot me emocion ishte ndjekja e ndeshjes së volejbollit të Kampionatit Kombëtar Superliga e Femrave, ku u përballën ekipet e Skënderbeut dhe Tiranës. Loja, që u zhvillua në një atmosferë mbreslënëse me një publik të gjerë, që kishin ardhur për të mbështetur skuadrat e tyre.
Pas një gare të ngushtë dhe dinamike, ekipi i Tiranës triumfoi me rezultatin 3-2, duke shfaqur performancë të lartë dhe përkushtim në fushë.
Pas një dite plot aktivitete, darka ishte kulmi i mikpritjes. Një darkë, e cila u organizua te ish-mësonjëtorja, një vend simbolik, ku u shoqërua me gatime tradicionale, këngët e valle tipike korçare.
Dita e dytë, u pasua me një seri ndeshjesh miqësore, përfshirë volejboll për djem dhe vajza, si dhe futboll për djemtë, ku pjesëmarrësit përfaqësonin Universitetin e Tiranës dhe Universitetin Fan S. Noli të Korçës.
Ekipet e Tiranës shkëlqyen me performanca fantastike, duke triumfuar në të treja ndeshjet, ku dëshmuan nivelin e tyre të lartë teknik dhe organizativ. Ndeshjet miqësore jo vetëm që shërbyen për të treguar potencialin sportiv të studentëve, por edhe për të nxitur ndërveprimin mes dy institucioneve universitare.
Largimi nuk u shoqërua thjesht me një ndjesi mbylljeje, por me një valë frymëzimi dhe motivimi për të vazhduar bashkëpunime dhe aktivitete të tjera të ngjashme.
Ky udhëtim ishte një itinerar i një hapi drejt ndërtimit të një narrative më të gjerë, ku sporti dhe kultura bëhen ura për të krijuar miqësinë dhe emocione të bukura.
