Në Universitetin “Fan S. Noli” u zhvillua ceremonia e hedhjes së shortit të Eliminatoreve të Kampionateve Universitare, Shqipëri në disiplinat: basketboll, volejboll dhe minifutboll, organizuar nga Federata Shqiptare e Sportit Universitar.
Në këtë ceremoni përshëndeti presidenti i FSHSU, Z. Besnik Veliu, i cili falënderoi Universitetin “Fan S. Noli” për mikpritjen në këtë bashkëpunim të radhës, duke e përgëzuar njëkohësisht për pjesëmarrjet dhe arritjet që ka patur gjatë këtij viti në kompeticione të ndryshme brenda e jashtë vendit.
Më pas zëvendësrektori për mësimin, Dr. Arto Adili ka bërë përshëndetjen e tij dhe u ka uruar suksese të gjithë studentëve pjesëmarrës.
Ceremonia vijoi me hedhjen e shortit pë skuadrat pjesëmarëse.
