Startoi eventi sportiv i organizuar nga Federata Shqiptare e Sportit Universitar, mbështetur nga Bashkia Tiranë, që bëri bashkë pedagoge dhe staf administrativ nga qytete të ndryshme të Shqipërisë.
Eventi do të ketë një shtrirje kohore nga data 15/05/2024 deri më 18/06/2024.
Pjesëmarrës në ceremoninë hapëse ishte Presidenti i FSHSU Z.Besnik Veliu, i cili në fjalën e tij përcaktoi se qëllimi i kësaj lige është promovimi i sportit jo vetëm midis studentëve, por edhe midis stafit administrativ dhe pedagogëve të universiteteve Shqiptare.
Pjesëmarrës në event ishte edhe ZV.Rektori i Universitetit të Tiranës, Prof.Asoc. Bernard Dosti i cili vlerësoi synimin e promovimit të barazisë gjinore dhe vlerave të sportit në arsimin e lartë.
Suksese të gjitha ekipe pjesëmarrëse!
