Ky aktivitet synon të forcojë lidhjet ndërkombëtare dhe të rrisë prezencën e Shqipërisë në evenimente të mëdha Sportive Universitare.
Në këtë aktivitet, Presidenti i FSHSU-së, Besnik Veliu dhe Forster, zhvilluan një sesion diskutimesh me studentët, ku u theksua roli i Sportit Universitar në jetën e studentëve. U diskutua mbi sfidat dhe mundësitë që ofron sporti për të rinjtë, si dhe rëndësia e angazhimit të studentëve në organizimin e eventeve sportive, si një mënyrë për të ndikuar pozitivisht në komunitetin e tyre.
Po ashtu, diskutimi u fokusua në ndikimin që mund të ketë sporti në zhvillimin personal dhe profesional të studentëve, si dhe mundësitë që ofron për të krijuar lidhje të reja ndërkombëtare dhe për të avancuar në karrierën e tyre.
Ky takim u shoqërua me një ndërveprim konstruktiv, duke ofruar një platformë produktive për të ndarë përvojën dhe njohuritë mbi zhvillimin e Sportit Universitar në nivel lokal dhe atë ndërkombëtar. Po ashtu, u diskutua mbi mundësinë e krijimit të partneriteteve të reja dhe të forcimit të bashkëpunimit ndërkombëtar me federata të tjera, për të zhvilluar Sportin Universitar në Shqipëri dhe jashtë saj.
Në bashkëpunim me Sekretaren e Përgjithshme, Klea Taipllari, u planifikuan takime të tjera për Universitete të tjera në Shqipëri, me qëllim ndërtimin e një dialogu të qëndrueshëm dhe të frytshëm me studentët. Ky bashkëpunim ka për qëllim promovimin e vlerave të Sportit Universitar, duke kontribuar në përmirësimin e kushteve dhe mundësive për studentët shqiptarë në fushën e Sporteve Universitare.
Pjesëmarrja e studentëve në aktivitete të tilla synon të rrisë mundësitë për zhvillimin e infrastrukturës sportive dhe forcimin e pozicionit të Shqipërisë në arenën ndërkombëtare të Sporteve Universitare.
