Ky ishte dhe rasti i Kampionatit të Volejbollit për Djemtë, një ngjarje e organizuar nga Universiteti i Tiranës, ku 6 fakultete morën pjesë në një konkurrencë plot profesionalizëm, seriozitet, bashkëpunim, sfida, emocione, pasion që shoqëruan këtë aktivitet.
Fakultetet që u përfshinë në këtë garë ishin Fakulteti i Drejtësisë, Fakulteti i Shkencave të Natyrës, Fakulteti i Ekonomisë, Fakulteti i Histori-Filologjisë, Fakulteti i Shkencave Sociale dhe Fakulteti i Gjuhëve të Huaja.
Në këtë kompeticion, nuk ishte vetëm loja që tërhoqi vëmendjen, por edhe dinamika mes studentëve, ku çdo ekip tregoi përkushtimin dhe vullnetin për të arritur më të mirën, nën udhëheqjen e organizuar me sukses nga dy petagoge, Alma Osmani dhe Elisabeta Mançellari.
Në hapje të kampionatit, pedagogia Alma Osmani mbajti fjalimin e saj, duke përshëndetur pjesëmarrësit dhe uruar sukses, fat dhe më e rëndësishmja, duke theksuar rëndësinë e aktiviteteve sportive, vlerat e fair play-it për zhvillimin personal dhe akademik të studentëve.
Pas një seri garash konkuruse plot emocione, Fakulteti i Ekonomisë fitoi vendin e parë në këtë kampionat, duke treguar aftësi të shkëlqyera dhe performancë të lartë, Fakulteti i Histori-Filologjisë u rendit i dyti, ndërsa Fakulteti i Shkencave të Natyrës zuri vendin e tretë.
Gjithashtu, një moment i veçantë në fund të kampionatit ishte dhënia e çertifikatave, ku u vlersuan lojtarët më të mirë.
Çertifikatë mirënjohjeje si lojtari më i mirë ju dha Flori Dema nga Fakulteti i Skencave të Natyrës, Emiljan Jupa nga Fakulteti i Histori Filologjisë dhe Edi Shalca nga Fakulteti i Shkencave Sociale.
Kampionati u shoqërua me pjesëmarrjen aktive të studentëve, dashamirësve të sportit, të cilët përcollën mbështetjet e tyre të ngrohta për çdo ekip. Nuk mund të mungonte pjesmarrja pedagogëve nga secili fakultet, duke krijuar një atmosferë të ngrohtë organizimi dhe bashkëpunimi.
Ky aktivitet jo vetëm që tregoi vlerat e promovimit të Sportit Universitar, por edhe forcoi lidhjet mes Fakulteteve dhe studentëve
