Federata Evropiane e Sportit Universitar (EUSA) zgjedh Shqipërinë për organizimin e Kampionatit Evropian të Sporteve Luftarake Universitare 2026.
Tirana do të mirëpres 1500 studentë nga e gjithë Evropa që do të garojnë në: Judo, Karate, Kick-Boxing dhe Taekwondo.
Pas përvojës në organizimin e Kampionatit Evropian Universitar të Futbollit – Tiranë 2023, Federata Shqiptare e Sporit Universitar është gati të zgjerojë eksperizën e saj në organizimin e një kampionati dinjitoz dhe model të nivelin Evropian.Ndërkohë që krenohemi me këtë arritje historike për sportin universitar, falenderojmë Federatat Shqiptare të Kick-Boxing, Judo, Karte dhe Taekwondo, të cilat mbështetën aplikimin e FSHSU pa kushte.
Një falenderim i veçantë shkon për Bashkinë Tiranë, që ka mbështetur vazhdimisht iniciativat sportive universitare të FSHSU, duke e transformuar peizazhin sportiv universitar dhe përvojën akademike për studentët shqiptarë –nga një realitet i zymtë i mundësive të kufizuara sportive dhe kulturore në një udhëtim akademik më pasurues dhe të gëzueshëm, që sot përfshin pjesëmarrjen e drejtpërdrejtë të mbi 13,000 studentëve nga universitetet publike dhe private.
Këto arritje pasqyrojnë vizionin e qartë për të ardhmen të pinoerit të sportit universitar në Shqipëri: z. Besnik Veliu, President i FSHSU, dhe janë një dëshmi e pasionit, dedikimit, përsosmërisë dhe fyrmës bashkëpunuese me aktorët sportiv kombëtar dhe ndërkombëtar.FSHSU mbetet e përkushtuar për të integruar sportin në jetën akademike, duke organizuar aktivitete konkurruese në nivel kombëtar dhe ndërkombëtar, si dhe aktivitete rekreative që përmirësojnë eksperiencën akademike dhe cilësinë e jetës studentore në Shqipëri.
