Federata Evropiane e Sportit Universitar EUSA zgjedh Shqipërinë për organizimin e Kampionatit Evropian të Sporteve Luftarake Universitare 2026.
Takimi i parë i Komitetit Ekzekutiv të EUSA 2025 u zhvillua më 4–5 prill në Tbilisi, Gjeorgji, duke vendosur fokusin në një viti të gjallë dhe të sukseshëm për sportet universitare evropiane.
E pranishme në këtë takim ishte gjithashtu Kryetarja e Komisionit Studentor Klea Taipllari, e cila ndau përditësimet për takimet, projektet dhe pjesëmarrjet e kaluara dhe të ardhshme.
Pas përvojës në organizimin e Kampionatit Evropian Universitar të Futbollit – Tiranë 2023, Federata Shqiptare e Sporit Universitar është gati të zgjerojë ekspertizën e saj në organizimin e një kampionati dinjitoz dhe model në nivelin Evropian.
Ndërkohë që FSHSU krenohet me këtë arritje historike për sportin universitar, falenderoi Federatat Shqiptare të Kick-Boxing, Judo, Karte dhe Taekwondo, të cilat mbështetën aplikimin e FSHSU-së pa kushte.
Një falenderim i veçantë shkoi gjithashtu për Bashkinë Tiranë, që ka mbështetur vazhdimisht iniciativat sportive universitare të FSHSU-së, duke e transformuar peizazhin e sportiv universitar dhe përvojën akademike për studentët shqiptarë nga një realitet i zymtë i mundësive të kufizuara sportive dhe kulturore, në një udhëtim akademik më pasurues dhe të gëzueshëm, që sot përfshin pjesëmarrjen e drejtpërdrejtë të mbi 13,000 studentëve nga universitetet publike dhe private.
Këto arritje pasqyrojnë vizionin e qartë për të ardhmen e pinoerit të sportit universitar në Shqipëri. Gjithashtu, President i FSHSU-së, Besnik Veliu, është një dëshmi e pasionit, dedikimit, përsosmërisë dhe fyrmës bashkëpunuese me aktorët sportiv kombëtar dhe ndërkombëtar.
FSHSU, mbetet e përkushtuar për të integruar sportin në jetën akademike, duke organizuar aktivitete konkurruese në nivel kombëtar dhe ndërkombëtar, si dhe aktivitete kreative që përmirësojnë eksperiencën akademike dhe cilësinë e jetës studentore në Shqipëri.
