Ky aktivitet është rezultat i përpjekjeve të dy presidentëve, Prof. Besnik Veliu përfaqësues i FSHSU dhe Dott. Stefano Belardinelli përfaqësues i CUS Camerino, me qëllim bakëpunimin dhe zvillimin e objektivave sportive, kulturore dhe akademike.
Këto aktivitete kanë mundësuar zhvillimin e një takimi mes Rektorit të Universitetit të Camerino, Prof. Graziano Leoni, dhe Prof. Suzana Guxholli, të cilët shprehën angazhimin e tyre për të avancuar në një bashkëpunim të ngushtë dhe të sukseshëm mes dy Universiteteve në të ardhmen.
Koordinator i aktivitetit Avv. Helidon Jacellari, avokati i FSHSU, i cili në bashkëpunim të ngushtë me Presidentin Belardinelli dhe ekipin e tij, Zac Bafta dhe Edison Hoxha, hartuan një program të ngjeshur dhe intensiv që përfshinte takime institucionale, akademike, si dhe aktivitetet lokal dhe sportive.
Një moment i veçant i këtij aktiviteti ishte takimi i Presidentit të rajonit Marche, Francesco Acquaroli me Këshilltaren e rajonit Marche, Lindita Elezi. Ky takim kishte një rëndësi të veçantë, pasi Lindita Elezi është e para shqiptare që është zgjedhur në një nivel të lartë të përfaqësimit politik në Itali, duke shënuar një arritje të jashtëzakonshme dhe duke u bërë një shembull i integrimit të Komunitetit Shqiptar në institucionet italiane.
Gjatë këtij takimi, u diskutua për mundësitë e zhvillimin dhe bashkëpunimit të mëtejshëm, duke theksuar rëndësinë e forcimit të lidhjeve mes komunitetit shqiptar, autoriteteve lokale dhe rajonale.
Presidenti Acquaroli theksoi rëndësin e aktiviteteve sportive, kulturore dhe akademike si mjete të fuqishme për thellimin e lidhjeve ndërmjet dy vendeve.
“Këto aktivitete do të shërbejnë si urë bashkëpunimi, duke forcuar marrëdhëniet mes Shqipërisë dhe Italisë, duke krijuar mundësi të reja për shkëmbime dhe zhvillim në nivel institucional, social dhe ekonomik.”- shtoi më tepër Presideniti Acquaroli.
Një takim i rëndësishëm u zhvillua gjithashtu me Kryetarin e Bashkisë së Camerino, Roberto Lucarelli, i cili shprehu mbështetjen e tij të plotë për zhvillimin e bashkëpunimit ndërmjet dy federatave, duke theksuar gatishmërinë për të kontribuar në realizimin e projekteve të ardhshme , të cilat forcojnë marrëdhëniet mes dy vendeve.
Një rëndësi të veçantë pati dhe vizita në Firmën Balducci, ku Delegacioni Shqiptar u takua me Presidentin e firmës, Franco Balducci dhe Administratorin, Massimiliano Balducci, të cilët shoqëruan grupin në vizitën e fabrikës së tyre.
Në darkën përmbyllëse, e cila u organizua nga CUS Camerino dhe Rotary Club Camerino, ku ishin të ftuar biznesmenë, profesorë dhe sportistë të ndryshëm, Presidenti Veliu theksoi vlerat e jashtëzakonshme që mbart sporti, si dhe fuqinë e tij integruese, e cila ndihmon në bashkimin e individëve dhe forcimin e lidhjeve mes vendeve.
Gjithashtu, gjatë ceremonisë, u vlerësuan me dhurata mirënjohje Presidenti Veliu, Rektorja Guxholli, si dhe Kampionia Italiane në ski, Erica Biaggi, për kontributin e tyre në promovimin e aktiviteteve sportive dhe akademike.
