Federata Shqiptare e Sportit Universitar (FSHSU) është gati për një tjetër edicion spektakolar të Kampionatit Universitar të Ping Pongut, i cili po shndërrohet në një traditë të dashur për studentët sportdashës! Me mbështetjen e Ambasadës Kineze në Tiranë dhe Bankers Petroleum Albania, ky kampionat rikthehet më i fuqishëm se kurrë për edicionin e tij të dytë, që do të zhvillohet më 9-10 Prill 2025, në Pallatin e Sportit “Asllan Rusi”.
Takimi i 17 Mars 2025 mes përfaqësuesve të lartë të Ambasadës Kineze në Tiranë dhe Bankers Petroleum Albania u përqendruan në organizimin e këtij kampionati të suksesshëm dhe në zgjerimin e sporteve që FSHSU planifikon të ofrojë për studentët shqiptarë.
Me synimin për t’u ofruar të rinjve më shumë mundësi sportive, në takim u theksua ideja e shtimit të sportit të badmintonit në programin e ngjarjeve të ardhshme.
Gjithashtu, u diskutua për thellimin e shkëmbimeve kulturore mes Shqipërisë dhe Kinës, për të promovuar bashkëpunimin ndërkombëtar dhe zhvillimin e aftësive sportive të të rinjve shqiptarë në nivele më të larta.
FSHSU shprehu mirënjohje të veçantë për mbështetjen e vazhdueshme të Ambasadës Kineze dhe Bankers Petroleum Albania. Ky bashkëpunim është një model suksesi për promovimin e sportit universitar dhe për pasurimin e eksperiencës akademike dhe sportive të studentëve.
Edicioni i 2-të i Kampionatit Universitar i Ping Pongut është një mundësi e jashtëzakonshme për studentët që duan të sfidojnë veten në ping pong dhe të tregojnë aftësitë e tyre në një atmosferë plot adrenalinë.
Të gjithë studentët e moshës 18-29 vjeç, që ndjekin një program studimi pranë një institucioni të arsimit të lartë në Shqipëri mund të regjistrohen për të garuar, për të krijuar lidhje të reja, dhe për të përjetuar një eksperiencë sportive unike.
Si të regjistrohesh?
Për të siguruar vendin tënd në Kampionatin Universitar të Ping Pongut 2025, thjesht ndiq hapat e mëposhtëm:
✅ Kontakto Shoqatën Sportive Studentore në universitetin tënd.
✅ Ose, lidhu direkt me ne nëpërmjet:
📞 Mobile: +355 69 653 1311
📧 E-mail: [email protected]
Mos e lër për nesër – regjistrohu sot dhe bëhu pjesë e kësaj ngjarje sportive që premton ndeshje të zjarrta dhe kujtime të paharrueshme!
