Ky takim kishte për qëllim diskutimin e formave të ndryshme për zhvillimin e Sportit Universitar në Shqipëri, duke u mbështetur në modelin gjerman të organizimit.
Në takim u trajtuan modele dhe forma që mund të rrisin performancën e studentëve në Sportin Universitar. Modeli gjerman i organizimit, u vlerësua si një shembull i suksesshëm që mund të ndihmojë Shqipërinë në përmirësimin e strukturave dhe sistemeve sportive për studentët.
Endrit Hoxha theksoi rëndësinë e bashkëpunimit me Federatën Gjermane të Sportit Universitar dhe rëndësinë e mësimit nga praktikat më të mira ndërkombëtare.
Diskutimet u përqendruan edhe mbi Lojërat Botërore Universitare Verore Rhine-Ruhr, të cilat do të organizohen vitin e ardhshëm në Gjermani. Pjesëmarrja e studentëve sportistë në këtë event ndërkombëtar, u theksua si shumë e rëndësishme për promovimin e sportit dhe për nxitjen e studentëve që të ndjekin karrierën e tyre sportive.
Takimi përfundoi me rezultatin e bashkëpunimit dhe angazhimit për të vazhduar punën drejt zhvillimit të Sportit Universitar në Shqipëri. Presidenti i FSHSU-së, Besnik Veliu, dhe Sekretarja e Përgjithshme, Klea Taipllari, shprehën falënderimet e tyre për mundësinë e shkëmbimit të ideve dhe praktikave të suksesshme.
Ky takim shënon një hap të rëndësishëm drejt ndërtimit të një sistemi sportiv universitar të fortë dhe të qëndrueshëm në Shqipëri, duke u bazuar në modelet më të mira ndërkombëtare dhe duke promovuar pjesëmarrjen e studentëve shqiptar në eventet sportive botërore.
