Kjo logo, është një simbol me një dizajn modern dhe të thjesht, e cila reflekton vlerat dhe misionin e Federatës si, energjia, aspiratat, frymën garuese dhe përkushtimin e studentëve në fushën e sporteve universitare.
Logoja përfaqëson një lidhje të fortë mes traditës kombëtare dhe të ardhmes së sporteve, duke u mbështetur në vlera si guximin dhe mundësitë e barabarta për të gjithë studentët.
Ajo është krijuar për të reflektuar unitetin në komunitetin akademik, studentor dhe sportin si urë bashkuese, midis akademikëve dhe studentëve në një platformë të përbashkët që promovon zhvillimin fizik dhe intelektual.
Ajo siguron një identitet të qëndrueshëm vizual të markës dhe përforcon të gjitha komunikimet që Federata krijon. Ajo është një “deklaratë” vizuale e angazhimit të federatës, për zhvillimin dhe promovimin e sporteve në komunitetin akademik, duke ofruar mundësi për të gjithë studentët që të arrijnë potencialin e tyre maksimal në fushën e sportit.
“U”-ja, është një shkronjë që qëndron për “Universiadë”, e cila transmeton mesazhin e unitetit, universalitetit dhe fuqinë bashkuese të sportit brenda komunitetit akademik universitar. Një tjetër element i rëndësishëm i logos është ngjyra e kuqe dhe e zezë, të cilat dominojnë dizajnin.
Këto ngjyra janë të lidhura ngushtë me identitetin kombëtar të Shqipërisë, duke pasqyruar guximin, trimërinë dhe ndershmërinë, vlera që janë të theksuara edhe në sport. Ngjyra e kuqe nënkupton energjinë, pasionin dhe forcën, ndërsa e zeza është një simbol i seriozitetit, forcës dhe qëndrueshmërisë.
Një detaj tjetër i veçantë në logo, është përdorimi i elementëve të harkuar të zeza në bazën e emblemës. Këto harkime janë frymëzuar nga krahët e shqiponjës dykrenore, simbolit të flamurit kombëtar shqiptar, të cilat shprehin lëvizjen, dinamikën dhe energjinë që lidhen me sportin.
Shqiponja, si simbol i fuqisë dhe lëvizjes, është një metaforë e rëndësishme për atë që përfaqëson FSHSU-ja, frymën e sportit dhe ekselencën që ndihmojnë studentët të arrijnë përmes angazhimit të tyre në aktivitetet sportive.
Ky element i harkuar, i stilizuar dhe i thjeshtuar, i jep logos një dimension modern dhe dinamik, duke e bërë atë të dallushëm dhe i lehtë për t’u memorizuar. Logoja krijon një ndjenjë përkatësie dhe krenarie ndërmjet studentëve dhe kontributit në krijimin e një komuniteti të fortë dhe të bashkuar.
